[box type=’note’ fontsize=’16’] “నీలి నీడలు” అనే ఖండకావ్యంలో మొత్తం ఏడు ఖండికలు ఉన్నాయి. ప్రతి ఖండికలో ఆణిముత్యాల వంటి పద్యాలు ఉన్నాయి. ‘చేతన‘ అనే కలం పేరుతో ప్రస్తుత సమాజాన్ని పట్టి పీడిస్తున్న దురాచారాలను ప్రజలకు తెలిపి, జాగృతపరుస్తారు కవి మేడిపల్లి వేంకట లక్ష్మీ నారాయణ. ఇది ఐదవ ఖండిక ‘జూదము’. [/box]
[dropcap]వ్య[/dropcap]భిచార వృత్తి – ‘నీలి నీడలు’ ఖండకావ్యంలోని ఐదవ ఖండిక.
***
ఒక్క మాట, బాణమొకటె, నొకతె భార్య
రహిని రామునకంచును రమ్యఫణితి
ప్రజలకందెల్పినట్టి యాప్రముఖమైన
రామచరితము వెలసిన భూమిమనది (1)
అట్టి రాముగాథ గట్టిగ బఠియించి
భారతంబునందు బరగుప్రజలు
భార్యయొకతె యనేడు పావనవాక్యమున్
తలచనెంచరేమి దారుణంబో? (2)
ధరణి ధరాధినాధులును, దారుణి దేవతలున్, ధనాడ్యులున్
వరసగ దక్కువర్ణముల వారలు నెన్నియొ కారణాలచే
కరముగ బెండ్లియాడి యునుకాంతలచేరిమినగ్నిసాక్షిగా
పరగిరియేక పత్నియను ప్రాభ్నియమానికి జేసిభంగమున్. (3)
అట్టి వారలెల్లనగ్నిసాక్షిగగొన్న
అన్యసతులతోడలనరినారు
అంతె కాని మిగుల నక్రమపద్ధతిన్
స్త్రీల బొందినట్టి తోరు లేదు. (4)
పిదప భూనాథులందరు బెద్దరీతి
రాజసభలను నిండ్లను రాణమెఱయ
కాంక్షనుంచిరి యుంపుడుగత్తెలుగను
భోగలాలసుతాచును భోగినులను. (5)
ధరణినాథులు నడచిన దారియందె
పండితున్, ధనపతులును, బ్రహ్మణులును
వేశ్యలనునుంచుకొనినారు వింతరీతి
గొప్పకోసము గులటలగోరికోరి. (6)
అట్లు లభియించినట్టియా యాశ్రయమున
వందలాదిగ పడతులు పతితలైరి
శీలమంతయు లేనట్టి జీవితముల
గడపినారలు, భోగాల గాంక్షజేసి. (7)
అట్టియాధార మింతేనియవనిలేని
వనితలెల్లను కరముగవంతజేంది
శీలమును వీడి సలిపెరి జీవయాత్ర
భోగభాగ్యంబులనాగోరి భుక్తికోరి. (8)
అట్టి వారిజేరి హ్లాదంబునందగ
కోర్కెలెల్ల దీర్చుకొనగనెంచి
జనగణంబులెల్ల జారులైతిరిగిరి
వేశ్యవాడలందు విటులునౌచు. (9)
అన్యకాంతలనిన నాసక్తిపెంపొంద
నధికరీతి పురుషులందరందు
వ్యభిచరించుగుణము, వాంఛవృద్ధియుగాగ
వారివనితలెల్ల ధీరలైరి. (10)
భక్తి కొఱకయి జారిణుల్ రక్తిగోరి
పురుషులును నిట్లుజేలరేగ కరముగాను
నేరమైయొప్పుచుండునా నీచవృత్తి
అంటురోగంబువోలెను వ్యాప్తిజెందె.(11)
అంత బోకను బురుషులునతివలెంతో
చదువరులునయ్యు, గొప్పవిజ్ఞానులయ్యు
అధమమౌ యిట్టి వృత్తితోనలరుచుండ్రి
కట్టు కథలెన్నా చెప్పుచు గలుషబుద్ధి. (12)
తప్పునొప్పని తాము తగురీతినెఱుగక
జ్ఞానాంధులౌచును జగతియందు
తప్పనుభావంబు దామెఱింగియుగూడ
ఏమౌనులేయని యెంచుచుండి
తప్పదు మాకిట్లు తప్పును జేయంగ
అని సమర్థించుచు నల్పబుద్ధి
తప్పని కూర్చున్న ధనమెట్టులబ్బును
సంసారయానంబు జరుపు కొఱకు
అంచుజనులెల్ల జార్వాకమధికభబంగి
జేయుచును జారగుణమున జెలగుచుండ
శీలమనుమాట కర్ధమీనేలయందు
మాయమయ్యె, లోకమే హేయమయ్యె. (13)
నవనాగరికతయంచును
అవనిని విద్యార్థిలోక మనవరతంబున్
నవనవమౌ ప్రేమలతో
దవినీతను మాటలేకనైక్యంబవరే. (14)
ఇట్టిపనులతోడ నింపైన సంస్కృతిన్
పాడుజేయుచుండ ప్రజలు మిగుల
కలిని సంఘమంత కలుషితంబాయెను
బాగుచేయరాని వ్యాధివోలె. (15)
బాల్యుంపుదశలోనె బాలికామణులను
వేశ్యవాటికలందు విడుచుచుండు
స్త్రీలను బలిమిమై శీలభంగముజేసి
సానికొంపలకును సాగనంపు
మాయమాటలు జెప్పి మానినీమణులను
అరబుదేశము వార్లకమ్ముచుండు
ఆశలు కల్పించి యాడబడుచులబల్మి
పడుపువృత్తిని జేర్చిపాడుజేయ
అట్టి దురవస్థతోడను నధమఫణితి
నలిగి నశియించి కరముగనాశమునకుప
చేరువౌచుండె సతతంబు భారతంబు
ఇంతకన్నను దుర్విధియెందుగలదు? (16)
వ్యాప్తిగాంచెనిట్లు వ్యభిచరింబు గుణంబు
అంటురోగమట్టుల ధికముగను
దేశపు ప్రతిష్ఠ నాశంబునొందగ
భరత జాతి నిష్ఠ భ్రష్టుపడగ. (17)
ధర్మశాస్త్రాల సారమీ ధాత్రియనగ
వాసి నింగాంచినట్టిదౌ భారతమున
భారతీయులు భ్రష్టులై తిరుగుచుండ
దేశమాతకు దఱుగదే దీప్తి సతము. (18)
ఏలవీరలిట్లు హేయమౌమార్గంబు
నెంచుకొనిరో కాని యెఱుగలేము
ఈ ప్రజాళి యరెరె! యిట్టులవర్తింప
జాతికింకగలదే? ఖ్యాతి, ప్రగతి. (19)
ఎందులకిట్టు వీరలిల, హీనపుమార్గమునం జరింతురో
సుందరమైనదేహముల జొక్కిలజేయుచు గామమూర్తులై
మందిర ప్రాభవంబులును మంచిగోల్పడి యెల్లవేళలన్
కొందలమందియేడ్వగను గోడున బంధులు నాలుబిడ్డలున్. (20)
దారిద్య్రదేవత దాండవింపగజేయు
ధనధాన్యసంపత్తుదరుగజేయు
ఆండ్రబిడ్డలనెల్లనన్నార్తులుగజేయు
సంఘాన మర్యాద సమయజేయు
సత్సంప్రదాయంబుసన్నగిల్లగజేయు
కాయంబు రుజచేతగ్రమ్మజేయు
నరములత్రాణను నాసమెందగజేయు
కోపతాపంబుల దోపజేయు
రోగముల పుట్టయౌనటురోతగొల్ప
క్రుళ్లజేసియుకాయముంగూలనేసి
మానవుని జీవితంబును మాయజేయు
ఘోరదుర్వృత్తి యెంచనీ జారవృత్తి. (21)
పాపాల చిట్టాను పదియింతలుగజేయు
పరుమప్రతిష్ఠటలంబాడుజేయు
అంటుజబ్బులచేతనలమటింపగజేయు
సుఖరోగములచేత స్రుక్కజేయు
కడుచర్మరుగ్మతంగాసిల్లగాజేయు
కుష్టుక్షయలచేత గ్రుళ్ళజేయు
నరములతీపుచే నాశమెందగజేయు
రక్తహీనత చేత రాలజేయు
అతిప్రమాదంబునై యొప్పియవనిలోన
మరణమేకాని యెద్దేని మందులేని
వ్యధియౌ ‘యైడ్సు’ ప్రజలకుంబ్రబలరీతి
సోకజేయునుగాదె యీ క్షుద్రగుణము. (22)
ఇట్టి హీన కార్యకింకమీదటనైన
మట్టుబెట్టకున్నమనుజ తతికి
మంచియెటలగల్లు? మనుగడయెట్లబ్బు?
సౌఖ్యమెటులభించు? శాంతియెట్లు. (23)
ఒకనాడు ధర్మోననున్నతంబౌచును
విలసిల్లనట్టి భూతలము నేడు
ఒకనాడు దానాననుత్తేజతంబౌచు
ఉల్లసిల్లనయట్టి యుర్వి నేడు
ఒకనాడు ప్రేమచేనున్మీలనంజౌచు
ధగధగమెరసిన ధాత్రి నేడు
ఒకనాడు శాంతాన నుత్తమెత్తమమౌచు
భాసిల్లినట్టిదీ వసుధ నేడు
దుష్టదౌర్భాగ్యమయ్యునికృష్టమగుచు
కరమువర్తిల్లు వ్యభిచార సరళితోడ
పంకిల మవంగ సకల ప్రపంచమందు
దేశమాతకు దరుగదే దివ్యయశము. (24)
పాపకల్మషమౌచునుబరగుచుండి
ప్రజలకపకారమును జేసిపాడుజేయు
జారవృత్తది నీకేల? భారతీయ!
వీడగదవయ్య యాదారి జాడలన్ని. (25)
ఆరాటమే కాని యాహ్లదమే లేని
పరకాంత పొందును వదలుడయ్య
వ్యాధిబాదలెగాని యారోగ్యమేలేని
వేశ్యాగృహంబుల వీడుడయ్య
మెరమెచ్చలే కాని, మేలేమియును లేని
సానివాడల జోలిమానుడయ్య
ధననష్టమేకాని, కనసౌఖ్యమునులేని
భోగినులను గూడబోకుడయ్య
బంధుజాలంబు లోపల పరువుదీయు
సంఘమందున కీర్తిని సమయజేయు
మంచి మర్యాదలన్నింటిమంటగలుపు
దురితమౌ యిట్టివృత్తిని దోలుడయ్య
భవ్యగుణులారా! భారత పౌరులారా! (26)
భార్యబిడ్డలుననియెడి బంధములను
సమయజేయుచు, మమతకుజావొసంగు
నరుని బాధ్యతలన్నింటి నాశపఱుచు
వేశ్యకాంతల పొందును వీడుడయ్య
భవ్యగుణులారా! భారతపౌరులారా! (27)
ఎన్ని చట్టాలు వచ్చిన నేమిఫలము
ప్రజలలోపలచైతన్యబలములేక
అడ్డగించుట సాధ్యమా యవనియందు?
ఇట్టి దుర్వృత్తి మానుటే యింపునగును. (28)
వ్యభిచారవృత్తిచే వసుధలోగల్గెడు
కష్టాలబ్రజలకుం స్పష్టపఱచి
వారకాంతలవల్లబ్రబలెడు రోగాల
పద్ధతిందేలిపివిశుద్దరీతి
జారగుణమునవచ్చు శక్తిహీనత నెల్ల
సత్కృపామతితోడ జాటిచెప్పి
పరకాంతసంభోగపాపపుకార్యాన
అడుగంటుగౌరవంబనుచుదెల్పి
సంఘమందున విలసిల్ల చదువరులును
బోధకుల్, జ్ఞానఖనులును పుష్కలముగ
చిత్తశుద్ధిని వర్తించి చెలగిరేని
దుష్టవృత్తులదోలుట కష్టమగున? (29)
ఎక్కడ నుండియో యెవ్వరోవచ్చెద
రిక్కార్యమునకంచునెంచకుండ
ఎందరో మేధావులీదేశముననుండ
నేనేలటంచును మానకుండ
కొందరే నిపుణులు గూర్మినీ పనిజేయ
ధాత్రిమేమేలంచుదలచకుండ
నిరుపేదనౌ నాకు బరగనిక్కార్యమ్ము
సాధ్యమా? యంచును జంకకుండ
వ్యభిచరమ్మునగలిగెడి వ్యాధి బాధ
చాల విపులంబుగా సర్వజనులకైరుక
పరచుటయె యికపైన నీ బాధ్యతనుచు
భావనంజేసిసాగుమో భారతీయ! (30)
చిత్తశుద్ధి నరుని శ్రేయస్సు కోసమై
స్వార్ధరహితబుద్ది శక్తికొలది
నీతిబోధలెన్నోనేర్పుమీరగజేయ
స్వర్గమౌచు వసుధ వరలుగాదె! (31)