[dropcap]తె[/dropcap]గింపుతో పయనమే,
అక్షరానికి అసలైన ఆభరణం.
తలవంచని నిబద్ధతే..
తరతరాలుగ నిలిచే కీర్తి కిరీటం!!
ప్రలోభానికి లొంగే అక్షరానిది,
నిర్దిష్ట లక్ష్యం లేని పయనం,
నిరంతరం భీతితో వణికే-
పసలేని పనితనం!!
నిజం కొరకై నిరంతర శోధన..
అరాచకాలపై అక్షర యుద్ధం,
అసాంఘిక శక్తులపై నిఘా,
తతిమ్మా క్లిష్ట కార్యాలు
అక్షరానికి నిత్య బాధ్యతలు!!
సమాజానికి నిజం తెలిపేదీ,
మంచికి సమున్నతమైన-
స్థానం కల్పించి ప్రోత్సహించేదీ..
అక్షరమనే పదునైన ఆయుధం!!
అలసత్వం ఆవహించిన అక్షరం,
స్వార్థం బాహువుల్లో ఒదిగిన-
అక్షర అసమర్థ పయనం,
అన్యాయంతో అంటకాగే,
ఉత్తుత్తి పోరాట నటన..
సమాజాన్ని నట్టేట ముంచే..
మోసపూరిత కాలకూట విషం!!
