[dropcap]మ[/dropcap]తాతీతము, కులాతీతము
మనది భారత రాజ్యాంగము.
మతము పేరున అధిక సంఖ్యా
కులను దోసిరి చిక్కులయందు.
అధిక సంఖ్యాకులే రెండవ
పౌరులైరి స్వదేశమున.
అంబేద్కర్ ఆత్మక్షోభకు
పాలకులు కారకులుయైరి.
స్వరాజ్యము వచ్చింది గాని
సురాజ్యముగా మారునెప్పుడు?
***
ప్రతీ మండల మందు మైనార్
టీల రెసిడెన్షియల్ స్కూల్స్.
మెజార్టీలను వేరు జేసిరి
బీసి, యస్సీ, యస్టీలుగ.
వారి కొరకే నిర్వహించిరి
ప్రభుత్వావాసముల స్కూల్సు.
అగ్రవర్ణ పేదలకు కన
రావు ఆవాస విద్యాలయాలు.
ప్రభుత్వం పాలసీ యేమిటి?
పరమాత్మకే తెలియ వలెనోయ్!
***
దేవతలు పారాడి దీనిని
దివ్యసీమగ మార్చినారు.
సర్వమానవ సమానత్వము
భారతీయుల విశ్వాసము.
సర్వ మతములు సమానమ్మని
ధర్మమే చెప్పింది నాడు.
హెచ్చుతగ్గుల మాయాజాలము
ఓట్ల బాగోతమ్మే గద!
ఎంతకాలము సాగుచుండును
ఎవరికేమీ తెలియదాయెను.
