[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు వారం వారం రెక్కలని అందిస్తున్నారు పురాణం శ్రీనివాస శాస్త్రి.
ఓం నమహాలు
ఓనమాలు
విజయవాడ
బెజవాడ
పలుకు’బడి’లో
అక్షరాభ్యాసం.
***
కాలాన్ని ఖజానాలో
బంధించాలని తహ తహ…
వెలుగుని చీకట్లో
పాతేయాలని యావ
అలవికాని ఆశలు
ఎప్పటికీ సశేషాలు!
***
ప్రవాహంలో పడి
కొట్టుకుపోవడం కాదు
నువ్వే ఓ ప్రవాహం
ఆపదల ఎదురీతతో
జడి, వడి ఉరవడి
నీ అడుగుల వెంబడి.
***
లోకం ఎప్పటికీ
ఇలాగే ఉంటుందని
చేసే సూత్రీకరణలు
కొట్టుకుపోవడం ఖాయం!
రాకాసి చెట్టుకు
తుఫాను గండం!!
