[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
కొట్టు… తిట్టు –
నరుకు… చంపు –
ఏడకెల్లొచ్చినవ్…
అక్కడికే పోరా బాద్ –
అసహనం
ఆరని కంపు!
***
క్షణాలు – నిమిషాలు
గంటలు – రోజులు
వారాలు – నెలలు –
ఏళ్లూ పూళ్లూ
ఎక్కి దిగే మెట్లు
సశేష విశేషాలు!
***
జీవచ్ఛవాలు బతికే ఉంటాయి
చంపాలి అనుకోరు ఎవరూ
కత్తికి కూడా లోకువ కనుక!
ప్రాణం మిగులును ఆవిరవక!
బతికుండే కన్న
బతుకుతో ఉంటే మిన్న!
***
పరిగెడుతూ తాగే పాలు
ఒలకకుంటే చాలు
చేసే పనికి
చూడాలి వీలుసాలు!
గతి తప్పే చేష్టలు
అరరే అనిపించె రొష్టులు!
