[dropcap]కొం[/dropcap]దరు కారణ జన్ములు
దేశమాత వరపుత్రులై
నిశ్శబ్దంగా ఉదయిస్తారు
దైవదత్త విద్యతో,కళా సాధనతో
అసామాన్య ప్రతిభతో, బహుముఖ ప్రజ్ఞతో
రసహృదయుల నోలలాడిస్తారు
మకుటంలేని మహారాజులై వెలిగి
జే జే ల హారతులందుకుంటారు
వినయంతో తమ ధర్మం నిర్వహించి
ఋణం తీర్చి మౌనంగా నిష్క్రమిస్తారు
ఒక్క గుండెగా యావద్దేశ ప్రజలశ్రుతప్తులై
అర్పించిన నివాళులందుకుంటారు
వంద కోట్ల కొక్కడు మన బాలు
మరొక్కబాలు మళ్ళీ రానే రాడు
