దేశంలో నేటి సామాజిక స్థితిగతులపై తన ఆలోచనలను ‘వారెవ్వా’ అంటూ కవితాత్మకంగా వెల్లడిస్తున్నారు ఐతా చంద్రయ్య.
~
[dropcap]బా[/dropcap]లబ్రహ్మల సంస్కారమే
భవిష్యత్తు బంగారు బాట.
ధర్మమార్గము జూపు వారల
ధన్యులను చేయాలి బాబూ!
పెద్దలకు నమస్కార మిడుట
ముందు మార్గము శుద్ధి జేయు.
మాతృభూమికి ప్రణతు లిడుమని
సదాచారము నేర్పవలెను.
పురాణాల కథలు జెప్పుటము
పుణ్యమూర్తులకే సాధ్యము.
***
మాతృభాషన విద్య నేర్పుట
మహనీయుల కాదర్శము.
తల్లిదండ్రులను మమ్మి, డాడి
పిలుచుటే అవమాన మందురు.
మమ్మి అంటే దయ్యమెగా
డాడి అనగా పాడెకట్టె.
కాంట్రాక్టు పెళ్ళి చోటున
పాడి యందురు పిల్లలంత
పుణ్యభూమి భారతమ్మున
పెళ్ళియన నూరేళ్ళ పంట.
***
మాతృభాషను మరిచినప్పుడు
మనిషి కాడని చెప్పవచ్చు.
రష్యన్ భాష రాజభాషయె
రష్యా దేశమ్ము నందున.
ఇంగ్లీషే జాతీయ భాష
ఇంగ్లండు మరి బ్రిటన్ నందున.
జపానీయే ప్రజల భాషని
జపాన్ దేశ వాసులందురు.
హిందూస్థానము నందు హిందీ
వ్యతిరేకత ఎందుకుండెను?
