[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
~ ~
బావి నీరు, బండి చక్రం
విసుర్రాయి, రోలు రోకలి
అనాదిగా అంతా
సాంకేతికమే!
కాయలే పనిముట్లు!
~ ~
మను ధర్మం
మాయదారి మర్మం
ఒక జాతికి, ఓ మతానికి
మంటబెట్టిన కపటం!
తేలు ‘సనాతనిజం’!
~ ~
ఒక చెట్ట్లో
ఎన్ని వేల పుటలో
ఎన్ని వందల గ్రంథాలో
లెక్క పెట్టు చూద్దాం!
సంపద వృక్షమే!
~ ~
లోకాస్తమస్తాం
సుఖినోభవన్తు
ఆనందం చిరునామా
చెమటే చూపించు
నిత్యం స్మరించు!
