[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]
1. వికాసం
మాట మౌనం
కవలలు
విశ్వ వికాస
కలువలు..!
~
2. జ్ఞానం
తనని తాను దర్శిస్తూ
మేధస్సును తనువును
త్యాగం చేసేది!
~
3. నవ భారతం
దూషణలు ఆర్థిక నేరాలు
చెరసాలల చిరునామాలు
పద్దెనిమిదేళ్లు నిండిన
యువ ఓటరు ముందుకు
నవ భారత నిర్మాణానికి
~
4. కలత
జాతి మతం కులం
వర్గీకరణలన్నీ
ఐదేళ్లకో మారు
బ్యాలెట్ సాక్షిగా
ఐక్యత చాటుతుంటే
కలల భారతం చెదిరిపోతుంది!
