[dropcap]కా[/dropcap]వలిలోని శ్రీ చైతన్య జూనియర్ కళాశాల విద్యార్థులు ‘కులం కథ’ పుస్తకం చదివి తమకి నచ్చిన కథను విశ్లేషించి, ఆ కథ తమకెందుకు నచ్చిందో పేర్కొన్నారు. సీనియర్ ఇంటర్ ఎంపిసి చదువుతున్న జి. రమ్య ఈ పుస్తకంలోని ‘పాలేరు తమ్ముడు’ కథను విశ్లేషిస్తోంది.
***
నేను వ్రాసేది కథ ‘కులం కథ’ పుస్తకంలోని పాలేరు తమ్ముడు అనే కథ గురించి. ఈ కథ మానేపల్లి తాతాచార్య రచించారు.
ఈ కథ గురించి నా అభిప్రాయము
- ఈ కథలో ఒక పాలేరు ఉన్నాడు. ఆ పాలేరు పేరు వెంకడు. అతడి తండ్రి చిన్న వయస్సులోనే తన మీద ఇన్ని బాధ్యాతలు వేయడం చాలా అన్యాయం అని నా అభిప్రాయము.
- అతడు ఒకరి ఇంట్లో పాలేరుగా ఉంటాడు. అతడి ఇంట్లో ఒక చిన్న పిల్లవాడు ఉంటాడు. అతడి పేరు బుల్లెయ్య.
- ఒక సారి బుల్లెయ్య బయటకు వచ్చి చూడగా అందరూ పిల్లలు ఆట ఆడుతుండగా చూసి ‘నేను ఆటకు వెళ్తాను’ అని మారం చేసాడు.
- కాని తన తల్లి ‘వద్దు వద్దు’ అని చెప్పగా అతడు మారం చేసాడు. అప్పుడు అతడికి ముఖం కడిగి, తెల్లగుడ్డలు వేసి పాలేరుచే పంపించింది.
- అప్పుడు పాలేరుతో కలిసి బుల్లెయ్య అడుకోవడానికి వెళ్ళాడు.
- పొట్టకి జరగక తండ్రి వాడిని పాలేరును చేసి, నెత్తి మీద యంత బాధ్యత వేశాడు. పాలేరుతనం చేస్తున్న దొరగారి ఇంట్లో పెద్ద పని, చిన్న పని అనేది లేకుండా చెప్పినవన్నీ చేయడం ఎంత కష్టం. కాని ఆ వయసులో ఆ చిన్నవాడు అంత కష్టం చేయడం ఎంత మెచ్చుకోదగిన విషయం.
- బుల్లెయ్య మరియు అతడి స్నేహితులు ఆడడం చూసి వాడి కళ్ళల్లో నీళ్ళు తిరగడం ఎంత బాధాకరం.
- అప్పుడు పాలేరు నేను వస్తానని వెళ్తుండగా అప్పుడు బుల్లయ్య నీవు ఎందుకురా కుదురుగా కూర్చుని ఉండు అనుట నాకు చాలా కోపం వచ్చింది.
- ఎందుకంటే అతడు కూడా తన వయసు వాడే కదా అతనికి కూడా ఆడుకోవాలని ఉంటుంది కదా.
- అప్పుడు ఆ స్నేహితులు నీవు ఎందుకురా అలా అంటావు గమ్మునుండు అని అన్నారు.
- అప్పుడు ఆ స్నేహితుల జాలి మరియు ఎదుటి వారి పట్ల ఉన్న మనోభావము నాకు చాలా నచ్చింది.
- ఆ తరువాత అప్పుడు ఆ పాలేరు కూడా వారందరితో కలిసి ఆడుతూ వున్నాడు. అప్పుడు పాలేరు ముఖం కళకళలాడుతుంది. ఆటలో కలిశాడు.
- కానీ వాడితో ఆడుతంటే బుల్లెయ్యకు ఒళ్లు జిలపడించింది. అక్కడ ఆ పిల్లవాడు అలా చీదరించుకోవడం నాకు అస్సలు నచ్చలేదు.
- అప్పుడు ఆ పాలేరును తాకినప్పుడు గొంగళి పురుగును తాకినట్లు ఉన్నది. ఎప్పుడూ అలవాటు లేదయే.
- మూడు రోజుల వరకూ పాలేరు వెంకడితో ఆడుకోవడం కొత్త అని అనిపించిన ఆ తరువాత అలవాటైపోవడం ఎంత సంతోషం.
- కొంత కాలం వెంకడు అని పిలవబడినవాడు వెంకి అని పలుకబడుతున్నాడు.
- అప్పుడు వెంకయ్య ఆ బుల్లెయ్యతో ఆటాడుతుంటే తన చిన్న తమ్ముడుతో ఆడుకున్నట్లు అనిపించడం ఎంత సంతోషం.
- అప్పుడు బుల్లెయ్య తల్లికి ఏ మాత్రం నచ్చడం లేదు. అది నాకు అస్సలు నచ్చలేదు. ఎందుకంటే ఆడుకోవడానికి కులంతో పని లేదు కాబట్టి.
- అప్పుడు ఆ తల్లికి బుల్లెయ్యను మందలించి ఎందుకురా నువ్వు వీడితో ఆడుతున్నావు. వాడు అసలు చిరిగిన చొక్కా, మురికి మురికిగా ఉన్న వాడిని ఎందుకు తాకుతున్నావు రా అని అడుగడం నాకు నచ్చలేదు.
- వాడ్ని ముట్టుకోవడం చూస్తే మీ నాన్న కొప్పడతారు తెలుసా అదీ కాక అలాంటి వాళ్ళతో ఆడడం మనకి చాలా చులకన కదా అని చెప్పడం నాకు నచ్చలేదు.
- అప్పుడు బుల్లెయ్య ఎందుకు తప్పు అని అడిగాడు. కులంతో ఇప్పుడు సంబంధం లేదు అని చెప్పాడు. కులం అనే మాట నా దగ్గర ఎత్తకు అని అన్నాడు.
- నిజానికి ఆమె పెద్ద అబద్ధమాడింది. మొన్న బుల్లెయ్య నాన్న పట్నం వెళుతున్నప్పుడు ఊరుదాటగానే, తన గుడ్డల సంచి పాలేరు వీరయ్యనే పట్టుకోమని యివ్వడం బుల్లయ్య స్వయంగా చూసాడు.
- కాని తండ్రికి కులం అంటే పట్టింపు లేదు. కాని పాలేరుతో ఆడుకోటం అంటే కొద్దిగా సంశయిస్తాడేమో.
- బుల్లెయ్య అమ్మమాట వినకుండా వెంకయ్యతో ఆడుకుంటున్నాడు. అప్పుడు ఆ తల్లి బుల్లెయ్య, నీకు అసయ్యం లేదట్రా చింకి గుడ్డతో కంపుగా ఉండే వాడితో ఆడుకుంటావు. సిగ్గులేదురా అని అనడం నాకు నచ్చలేదు.
- అప్పుడు వాడు వాడికి గుడ్డలు లేనిది యేంచేస్తాడమ్మా నా చొక్కాలాగూ వాడి కొకటివ్వరాదూ వాడే చక్కగా ఉంటాడు. అని అనుట తనలో ఉన్న స్నేహం నాకు నచ్చింది.
- అప్పుడు తల్లికి వీడికి ఎంత చెప్పినా లాభం లేదనుకున్నది. కొత్త పన్నాగం వేసింది.
- అప్పుడు వెంకా నీవు వెళ్ళి బర్రెల దగ్గర పేడ తీయు అని చెప్పి వారిద్దరిని విడదీసింది.
కానీ బుల్లెయ్య గట్టి పట్టు పట్టి వెంకయ్యతో ఆడుకునేలా అమ్మని ఒప్పిస్తాడు.
జి. రమ్య, సీనియర్ ఎంపిసి.
