[dropcap]కొం[/dropcap]చెం మబ్బు దుప్పటి తొలిగించి
వెలుతురు పంచగల సూర్యుడివైతే
చెదపట్టిన మనుషుల మెదళ్ళను
రగిలించగల నిప్పు కణిక వైతే
దిక్కు తోచని జనసమూహానికి
ఓ దారి చూపగల నక్షత్రానివైతే
ఆశలు ఆవిరయే వేళ ఓ వెలుగు నిచ్చే
గోరంత దీపానివైతే
ఎక్కడా కనపడని
ఎవరికీ వినబడని
మనోద్దీప్త గానానివైతే
ప్రతి హృదయం
కొత్త ఉదయమయే మెరుపౌతుంది
మనసుని తట్టి లేపే వెచ్చని పిలుపౌతుంది
