‘సరిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
~ ~
తాటి తోపులు..
పూల పొదలు..
కొండ గుట్టలు..
ఇసుక పర్రలు…
ఎటు చూస్తే అటు
సృష్టి ముఖాలు!
~ ~
ఒక అడుగుతో మొదలు
మహా యానం..
ఒక చినుకుతో మొదలు
మహా యవుసం..
అడుగులో అడుగు
అదిగో అడంగు!
~ ~
కోల్పోయిన పరిమళం
నాసికను తాకదు..
గల్లంతైన జీవితం
బతుకు యానం ఎరుగదు..
కావ్యంలో కొన్ని
పుటలు మాయం
~ ~
అయోధ్య పండు
రాలి పడి వెలుగుల
మందిరమవుతోంది
మసీదుగా మెరుస్తోంది!
పక్వానికొస్తేనే
శాంతి ఫలశృతి
