[dropcap]దే[/dropcap]శభక్తి యనగ నేమిటని
వాసిగాను తెలియవలెనోయ్.
దేశమే దేహమ్ము కన్న
మిన్న యన్నది గొప్పనోయి.
వోట్ల కోసము కోట్ల ఖర్చులు
ప్రజాస్వామ్యము కాదు భాయి.
కులమతాల కుత్సితాలతో
దేశమే బలహీనమాయె.
దొంగచాటుగ విదేశీయుల
స్వాగతించుట నేరమోయి.
***
విశ్వమందున జనాభాలో
భారతము ద్వితీయామాయె.
కొదవేలేనే లేదు మానవ
వనరులకు మన దేశమందున.
యువశక్తికి ప్రపంచమున
మనమే ముందున్నాము బాబు!
అయిన గానభివృద్ధి చెందుతు
వున్న దేశమె మనది సుమ్మ!
వృద్ధి చెందిన దేశముగ మన
మెందు కెదగలేకపోతిమి?
***
జనాభా, యువశక్తిలో మన
కంటే చిన్నది అమెరికా.
వృద్ధి చెందిన దేశమాయెను
అగ్రరాజ్యము గవతరించె.
అలాగే మరి చిన్న శ్రామిక
దేశములు యభివృద్ధి జెందెను.
జీవనదులకు నిలయమైనా
నిరుద్యోగము, కరువు పెరిగె.
కారణం జన మనములోనే
దేశభక్తి లోపమే గదా!
