[dropcap]వి[/dropcap]శ్వమంత గత్తరొచ్చెను
విచ్చలవిడి విహారించెను.
మానవాళికి శాప మాయెను
మందగమనము మీరిపోయెను.
కరోనా వైరస్‌గ మారెను
కల్లోలము రేపసాగెను.
కొత్త రక్కసి కోరాలల్లో
గుత్తగా ప్రాణాలు బోయె.
మానవుల తప్పిదము కాదా!
ముందు చూపు లేకపోవుట.
***
కప్పలు, పాములు, గబ్బిలాలు
గమ్మత్తుగ ఎలుకలను దినిరి.
ఫలితముగ సరికొత్త రోగము
పల్లవించ కరోనాగా.
ఎదురులేని రాక్షసాయెను
వైద్యమే లేదాయె నేడు.
ఎన్నో లక్షలు పెరిగి రోగులు
క్వారెంటైన్ల కమ్ముకొనిరి.
లక్ష దిశగా సాగుచున్నవి
మృత్యు ఘోషల సంకటాలు.
***
పరగ విరుగుడు మందు కోసం
పరిశోధనలు సాగుచుండె.
ప్రస్తుతం మిగిలింది మనకిక
పరిసరాల పరిశుభ్రత.
పారదోలుట తప్పదాయెను
కరుణ లేని మహమ్మారిని.
ఎవరి ఇంట్లో వారు క్షేమము
గుండవలె విధి తప్పకుండ.
బయట తిరుగుట ప్రమాదమె
వైరసును చంపేయుటకును.
