[dropcap]ఎం[/dropcap]త చెప్పిన కొంత తక్కువ
కరోనా వైరస్ ఫలితము.
అంచనాలను మించి పోయెను
మానవ జీవన విధానము.
లాక్‍డౌనుల అదుపులోనే
లక్షలాదిగా రోగులైరి.
గాలి పురుగదృశ్యమైనా
ప్రాణాలను పరిహరించెను.
బతికినోల్లకు బాధలెన్నో
బ్రహ్మదేవుడె చూడవలెను.
***
న్యాయమందు టాలస్యమైన
అన్యాయముతో సమానం.
కొందరికె సర్కారు సాయం
ఆలస్యము గందె చూడగ.
నెలల కొలదిగ లాకుడౌనున
కొద్ది సాయం లాభమేమి?
వలస కూలి, చిరువ్యాపారి
బతుకు కోలుకోని ఛిద్రము.
రవాణా సరే లేకపోయెను
జీవనము రణరంగమాయెను.
***
వందల వేల కిలోమీటర్లు
దాటి వచ్చిన వారలంత
పొట్టకూటికి పనులు లేవని
దండి ఆకలి కోర్వరైరి.
సొంత వూరికి కుటుంబాలతో
కాలినడకన బయలుదేరిరి.
నిండు ఎండలో మాడిపోయిరి
భార్య పిల్లల రోదనములు.
ఇల్లు చేరేలోగ కొందరు
ఖర్చు ఖాతా కెళ్ళిపోయిరి.
