కరో‌నా

[dropcap]ఎ[/dropcap]గిరే పిట్టకు ఏది కరోనా
నీటిలో చేపకు ఏది కరోనా

వీథిలో కుక్కకు ఏది కరోనా
చెరువులో కప్పకు ఎక్కడ కరోనా

మరి ఓ‌ నరుడా….!
నీకెందుకురా ఈ కరోనా

సృష్టిని తెలివిగ ఏమారుస్తూ
ప్రకృతిని వికృతిగ మారుస్తూ
అంతా నా ఇష్టమంటూ
ఎల్లలు దాటి కల్లలు నేర్చి
భూమాతను కొల్లగొడుతూ

విలయతాండవం చేసే ఓ నరుడా
కరోనా నీకు కాక ఇంకెవరికి

జాలి లేని మానవుడా
కరుణ లేని కరోనా
అది నీ ప్రతిరూపమే సరేనా

నీ బుధ్ధి మార్చుకో
తప్పులు సరి దిద్దుకో
సనాతన ధర్మం పాటించు
వికృత చేష్టలు చాలించు

ధర్మో రక్షతి రక్షితః