[box type=’note’ fontsize=’16’] ప్రసిద్ధ హిందీ/ఉర్దూ కవి, సినీ గీత రచయిత శ్రీ జావేద్ అఖ్తర్ కవితల సంపుటి ‘ఇన్ అదర్ వర్డ్స్’ లోని కవితలను సంచిక పాఠకులకు తెలుగులో అందిస్తున్నారు శ్రీ వారాల ఆనంద్. [/box]
మరో సమయానుకూల ఆలోచన
[dropcap]పి[/dropcap]ల్లలు
పులుల, ఏనుగుల రూపాల్ని
మేఘాల ఆకారాల్లో చూసినట్టు
ఓ ఆలోచన తళుక్కుమంటుంది
చాలా మంది కాలంలో
జ్ఞానాన్నీ, దార్శనికతని గ్రహిస్తారు
చాలామందికి ఆ విశ్వాసపు ఛాయల్లో
తమ వెతుకులాటకు ముగింపు కూడా లభిస్తుంది
మనం కాలం అనుకుంటున్నది
నిజానికి ‘దైవం’
కానీ
సత్యాన్ని వెతికే వారు
కాలమంటే ఏమిటి అన్న ప్రశ్నను
తమ హృదయపు లోతుల్లోనూ
తమ ఆలోచనల్లోనూ నింపుకుని
సంచరిస్తూనే వుంటారు
మూలం: జావేద్ అఖ్తర్
తెలుగు: వారాల ఆనంద్
